mini MBA تجربة ناجحة تستحق المشاركة

سلام عليكم انا حبيت اشارك بمعلوماتي عن mini MBA الماجيستير المصغر في ادارة الأعمال والله يا جماعة لو أي حد حابب يدرس Mini MBA او دراسة ممتازة ومتعمقة في ....... (managment or marketing or HR or project managment) في مكان ممتاز كنت بدرس فيه لغاية آخر2011 كان معايا أكبر شركات انا بدرس mini MBA تخصص ادارة وفاضل بس كورس واحد واخلص ان شاء الله ...........عموما المركز مشترك فيه شركات فودافون واحمد بهجت وسيراميكا كليوباترا وحديد عز وكبرى شركات الأدوية في مصر وشركة وصلة (call center ) الشركات نفسها متعاقده مع المركز لأنه أثبت نجاحه والناس هناك ما شاء الله وفعلا حبيت الدراسة هناك - الشهادات معتمدة من HRCI بالولايات المتحدة الأمريكية وهو المركز الوحيد المعتمد منه ومعتمد كمان من PMI فضلا عن الاستفادة الحقيقية - في الحقيقة انا لما سألت ايه هو HRCI عرفت انه مركز في الولايات المتحدة يضم كبار الخبراء ودكاترة جامعات أمريكية من عام 1976 وحديثا اجتمعوا وعملوا استاندر لمواد البزنس وأصبح يُصدٍٍِِِر ويصدق على هذه المواد عالميا- السلبية الوحيدة في المركز حكاية الشركات الكبيرة بتقدم لكمية كبيرة من موظفيها فيحتلوا المكان خاصة ان المركز معتمد من برنامج تحديث الصناعة التابع للاتحاد الأوروبي......... فالمصانع الكبيرة بتكون مشتركة بدعم منه و بخصم عالي خاصة في فترة الوزير رشيد محمد رشيد كان بيركز على جعل برنامج تحديث الصناعة التابع للاتحاد الاوروبي انه فعلا يكون مؤثرو قوي ويدعم المصانع والشركات - اللي انا فكره على مدار أكتر من سنتين وانا بحضر انه كان بيدرس معايا شركات غبور وغالي موتورز و CEMEX شركات نوفارتس للأدوية بروكتور اند جامبل وهنكل والسويدي للكابلات وكريستال عصفور وفندق كونراد ومجموعة طلعت مصطفى ومجموعة صيدليات العزبي ومستشفى دار الفؤاد وأوليمبك جروب أحمد بهجت وجهينة وبترول بلاعيم (ناس محترمه وأصدقاء) و Link dot net و Nokia Siemens Networks وأوراسكوم Orascom Construction Industries ومجموعة شركات أمريكانا و طلعت مصطفى جروب وأكيد ناس تانية بس دول اللي انا احتكيت بيهم خاصة شركات اوليمبك ووصله وبترول بلاعيم ومركز اعداد القادة (كان بيحضروا وكان احد المحاضرين للادارة المالية د/أشرف رئيس مركز اعداد القادة ممتاز) والشركات أيضا شركة سيراميكا كليوباترا كان معايا ناس كتير منها منهم ا/أشرف ابوالعينين مدير الموارد البشرية بالشركة ناس ناس محترمة ودلتا فارما وإدارة الموارد البشرية في لابوار للحلويات ناس كانوا ممتازين ومحترمين وشركات تستحق فعلا النجاح اللي حققوه الشركة كلها بتحضر بس بالتناوب المهم يا جماعة المركز في طريق النصر بمدينة نصر مش عاوز اكتب اسمه عشان ميبقاش دعاية انا مش من القاهرة مش عارف اصف العنوان بالضبط بس هو بجوار دار الحرب الالكترونية بعد مكرم عبيد شارع احمد فخري ومتعاقد مع فندق فلمنكو في الزمالك نظرا للازدحام وللتسهيل- احيانا كنوع من التقريب ونظرا للازدحام بيقدموا كورسين او 3 بس في قاعة في فندق فلمنكو وأنا شخصيا درست أول مادة في الـ Mini MBA هناك وكانت أيام جميلة جدا ومفيدة غيرت مجرى حياتي الوظيفية وفعلا هتشعر ان وزنك وقيمتك العملية والعلمية زادت جدا وبنسبة 90 % هيكون عندك ثقة بنفسك لو بتقدم في أي شركة وعارف من قبل ما تدخل داخل تعمل ايه ورايح فين تحياتي للدكتور عصام الرفاعي درست معاه Organizaional behaviour عموما اللي حابب يحاول يسأل لو مفيش مكان السيمستر ده حاول كمان شهرين أو 3 لانهم شغالين 4 مراحل في السنة كل مرحلة بيكون فيها عدد من الدورات المهم انه مركز والله ممتاز اسأل على استاذ مصطفى01224232305 في الفترة الصباحية أواستاذ احمد حسين هيفيدك ان شاء الله ....اللي حابب أفيده أكتر تحت أمره..... أهم شيء..............حقي الذي لن أسامح فيه أن اللي أفيده يدعيلي ويدعي لأبي رحمه الله واللي حاسس اني ضيعت وقته يسامحني مع تحياتي.... والله ليس لي ناقة ولا جمل المركز محترم والشركات ده كلها بتدرس هناك وسهل جدا التأكد من ذلك اتصل بمركز تحديث الصناعة واعرف اد ايه المركز ده ناجح ورائد في تدريس الادارة والتسويق وادارة الموارد البشرية وادارة المشروعات اللي محتاج معلومات او محتار يدرس ايه او محتار يبتدي بأي مادة اتصل واعرف ولو في كورسين اتنين متكررين في نفس الوقت كل كورس بيختلف بس في الدكتور المحاضر راسلوني ولو طلع من الناس اللي كان بيدربوني هقوله كل اللي اعرفه وفي انتظار استفساراتكم مع تحياتي

ده اسئلة الناس سألتها لي لما شاركت قبل كده ممكن اجابتها تفيد حضراتكم

كم مادة في الmini MBA؟

( ال mini MBA عبارة عن 6مواد 4 أساسي و2 اختياري المصاريف كانت في الأول1099 وهم زودوها بقت 1199 للمادة بس ممكن تعمل زي انا ما عملت ماشي على مهلي كورس ولا اتنين وارتاح فترة وبعدين اكمل ) بس نسيت أقول حاجة يا جماعة Mini MBA معتمدة من HRCI في management وHR و projectmanagement معتمدة من PMI بصراحة انا مش عارف هو ايه ولكنه من أكبر جهات الاعتماد الدولية في ادارة المشاريع بس Mini MBA تخصص Marketing على حد علمي لغاية اخر2011 مش معتمدة من هناك بس اللي بيدرسها هناك مدربين أقوياء جدا زي د.رامي خضير ورشاد ايراهيم وهم نفسهم معتمدين كمدربين من HRCI وMini MBA at HR معتمدة HRCI ,

سؤال:

basha mn 8er ma 2s2al 3ala 7aga rbna ykrmak w yr7am waldak w gamy3 el2mwat bas ana lsa fe tegara eng eh elcourse beside eng should i take

أخي الكريم لؤي جزاك الله خيرا على الدعاء على فكرة انت كتجارة انجلش للأمانة كده كده بتدرس مواد أساسية في mini MBA تخصص ادارة او موارد بشرية او بتدرسها كمان في التسويق كمواد اضافية هذه المواد هيOrganizational Behavior , Strategic Management وغيرها أنصحك فكر الأول انت ناوي تشتغل في HR ولا marketing مثلا عشان تحدد ايه اللي ممكن تنضم اليه صدقني اختيارك سهل شوف انت بتحب محاضرات السلوك التنظيمي ومهتم مثلا بأداء الموظف داخل الشركة ومدى والولاء يبقى دماغك متجه ناحية HR لو دماغك دعاية واعلان وتسويق ودايما بتعلق على عرض الشركة الفلانية والفلانية وسعات بتقول لنفسك الله الاعلان ده جميل بس ناقص كذا مثلا والعلاقات العامة والمعارض والعلامات التجارية بتهمك ووسائل الاعلام يبقى دماغك marketing ولا بأس انك تشد حيلك من قبل التخرج وتخلص الحاجات ده فرصتك هتبقى أكتر من غيرك وخلي بالك لو دماغك كلها حسابات وادارة يبقى management لانك بتدرس ادارة مالية بس لو دماغك حسابات بس 100% - يبقى بلاش خالص موضوعي ده ودور على CMA الأول

سؤال:

يعنى بكالوريوس التجارة من وجهة نظرك اية الافضل بالنسبة لة mini mba .ولا cma ارجو الرد

يا جماعة اللي انا أعرفه cma تخص المحاسبين ومش كل خريج تجارة ناوي تخصص محاسبة وفي ناس هتيقى رؤساء أقسام مش مجرد محاسب بسيط وفي ناس اختارت ادارة أعمال أصلا من الدراسة وفي الحقيقة انا مش عارف cma هتفيده أكتر ولا mini mba الا بعد معرفة هو ناوي يعمل ايه لو مدير ادارة أو مدير عام او مرشح في شركته لمسك منصب اداري او منصب جوهري mini mba هتخليه فعلا يفيد المكان جدا جدا ويستفيد ويشعر بالنجاح بس اللي انا شفته ان معظم المديرين في شركات كبرى كانوا بيحضروا معي mini mba منهم محاسبين باختصار cma تتعلق بالمالية والادارة المالية والـ mini mba تخصص ادارة او ادارة مشاريع او HR أو marketing تعتبر ادارية وفنية في التخصص وليست مالية وارجو من الاخوة المحاسبين يفيدوك أكتر مني بس الأول لازم تعرفهم تخصصك و تحدد هدفك مع تحياتي

سؤال:

شوف يا طيب انا محاسب بالسعوديه وعايز لما انزل اجازه اخد الكورس ده هل الكورس ده في حد ةذاته بديل يعني هل يعتد به كشهاده معتمده عند التقدم لوظيفه ما ارجوك رد علي كمان لو فيها تعب منك كام مده الدراسه ومواعيدها مع مراعاه اني اسكن خارج القاهره (البحيره) ممكن الرد بس قول" سبحان الله وبحمده سبحان الله العظيم"ومشكور انت

السلام عليكم اخي الكريم وشكرا على المشاركة وسبحان الله وبحمد سبحان الله العظيم في الحقيقة انت بتسأل هل الكورس ده بديل قصدك بديل ايه ؟ بديل للبكالريوس اعتقد لو قصدك كده اكيد مش بديل يعني لو طالبين محاسب وراح واحد معاه الشهادة ده بس معاه دبلوم مثلا او كلية تربية رياضية مش هينفع نهائيا -بس في تخصصات تانية الشهادة ده تخليك مالي مركز جدا زي الموارد الشرية ولو انت مدير لشركة متوسطة الحجم اوكبيرة او مرشح لمنصب فيها وتخصصات التسويق ومدراء التسويق ومدراء المبيعات و في احيان كثيرة او معظم الأحيان ممكن يكون اي شهادة عليا+ mini mba + خبرة ويمسك منصب كويس او وظيفة كويسة في هذه التخصصات بالنسبة هل يعتد به كشهادة معتمدة? - المركز معتمد من HRCI وكل شهادة معتمدة برقم يتيح لصاحب العمل التأكد من صحة الشهادة من موقع HRCI بأمريكا من الانترنت بس للأمانة مش كل المواد معتمدة في التسويق مثلا لكن كلها معتمدة في الادارة و HR وفي management ومعتمدة في Mini MBA تخصص ادارة وتخصص ادارة مشاريع و تخصص HR بس المادة العلمية قوية فيهم كلهم جدا بالنسبة للوقت الكورس للمادة الواحدة شهرين ومدة الـ Mini MBA تحتوي على 6 مواد كل مادة شهرين بس ممكن تدرس 2 مادة في نفس الوقت لذلك قد يستغرق 6 شهور كحد ادنى بس اظن لو انت نازل اجازة وراجع مش هتلحق تدرس الMini MBA ممكن تدرس بزنس فاينانس شهرين وهتفيدك // المواعيد معظمها من 7 الى 10 ليلا وفي كورسات تبدأ من 5 انت ونصيبك لان كل كورس ليه وقته وبيتغيرفي كل موسم بس للأمانة انا عوزك تسأل اخواني المحاسبين اكتر مني لانه المحاسبين ليهم دورات اكثر تخصصا زي CMA وليهم طرق اعتقد منها انك تدرس بدون حضور at home وممكن حد يشرحلك وهي موجودة في كل البلاد وفي ناس في كل بلد بتدرسها ارجو ان اكون افدتك قول اللهم اغفر للمؤمنين والمؤمنات مع تحياتي

مع تحياتي ولا بأس من مزيد من الأسئلة

اسألكم الدعاء لأبي بالرحمة ولي بالهداية ولكم جزيل الشكر